လက်ပံတောင်းတောင်အရေး ထိခိုက်ဒဏ်ရာရ ပြင်းထန် သံဃာတော်များ အား မန္တလေးဆေးရုံကြီးသို့ညတွင်းချင်း ပို့ဆောင်နေ ..
လက်ပံတောင်းတောင်အရေး ထိခိုက်ဒဏ်ရာရရှိမှု ပြင်းထန်သည့်သူများနှင့် သံဃာတော်များကို
ယနေ့ ညနေပိုင်း ခန့်မှစတင်ကာ မုံရွာမြို့ပြည်သူ့ ဆေးရုံကြီးမှနေ၍ မန္တလေးဆေးရုံကြီးသို့
ပြောင်းရွေ့ကု သမှုများပြုလုပ်နေကြောင်း မျက်မြင်ဒေသခံများ ၏ ပြောကြားချက်အရ သိရသည်။
ယင်းနှင့် ပတ်သက်၍
ဒေသခံတစ်ဦး က ပြောကြားရာတွင် "ဒီထိခိုက်ဒဏ်ရာရသံဃာတွေကို မန္တလေးဆေးရုံကြီးကိုပို့ပေးနေတယ်
လို့သိရတယ် လမ်းပေါ်မှာလည်း လူနာတင်ယာဉ်တွေ ကိုတွေ့တာ ၁၁ စီးလောက်ရှိနေပြီ " ဟု
ပြောကြားသည်။
မုံရွာမြို့ခံ မျက်မြင်သက်သေတစ်ဦးက " ဒီနေ့ညပိုင်းအထိ ၁၅ ပါးရှိပြီလို့ ဆေးရုံက
ဆရာဝန်တစ်ယောက်က ပြောတယ် သူ့အပြောအရတော့ ဒီည ၁၂ နာရီအထိ အခြေအနေကြည့်ပြီးပို့မှာ မန္တလေးဆေးရုံဘက်က
လူနာတင်ယာဉ်တွေလာနေတာ အခုချိန်အထိတော့ မြင်းမူရောက်နေပြီလို့ သိရတယ်" ဟု ယနေ့ည
၉ နာရီ အချိန်တွင် ရန်ကုန်မီဒီယာဂရု(ပ်)သို့ အတည်ပြု ပြောကြားသည်။
No comments:
Post a Comment