25 April, 2013

လက်ပံတောင်းဒေသခံနဲ့ ရဲတပ်ဖွဲ့တို့အကြား ပဋိပက္ခဖြစ်ပွား ..

DVB

၂၅.၄.၂၀၁၃၊ ကြာသပတေးနေ့
မြန်မာ့စီးပွားရေး ဦးပိုင်နဲ့ တရုတ်ဝမ်ပေါင်ကုမ္ပဏီတို့ အကျိုးတူလုပ်ကိုင်ဆောင်ရွက်နေကြတဲ့ လက်ပံတောင်းတောင် ကြေးနီစီမံကိန်းကို ဆန့်ကျင်တဲ့ လက်ပန်းတောင်းဒေသခံတွေနဲ့ ရဲတပ်ဖွဲ့တို့အကြား ဒီကနေ့နေ့လည်က ပဋိပက္ခဖြစ်ပွားတာကြောင့် လူသုံးဦးအဖမ်းခံရပြီး၊ တစ်ဦးက သေနတ်ကျည်ထိမှန်ခဲ့ကာ ဒေသခံ ၁ဝ ဦးခန့် ထိခိုက်ဒဏ်ရာတွေ ရရှိခဲ့ပါတယ်။





ထွန်တုံးတိုက်ပွဲ ဆင်နွှဲနေတဲ့ ရန်ကုန်ပြည်သူ့အကျိုးဆောင်ကွန်ရက်က ကိုအောင်စိုးနဲ့ ဆည်တဲကျေးရွာသားနှစ်ဦးဖြစ်တဲ့ ကိုစိုးသူနဲ့ ကိုဆန်းကို ဆားလင်းကြီးရဲတပ်ဖွဲ့က ဝင်ရောက်ဖမ်းဆီးချိန်မှာ လက်ပံတောင်းဒေသခံတွေနဲ့ ပဋိပက္ခဖြစ်ပွားခဲ့တာလို့ သိရပါတယ်။
“ရဲတပ်ဖွဲ့က ဖမ်းသွားတဲ့ ကိုအောင်စိုးကို ပြန်လွှတ်ပေးဖို့ ရွာသားတွေ ဝိုင်းတောင်းဆိုချိ်န်မှာ ရဲတွေပေါ်ကို ခဲတွေကျလာလို့ ရဲတွေက သေနတ်နဲ့ ပြန်ပစ်တယ်။ မီးခိုးဗုံးတွေနဲ့ ပြန်ပစ်တယ်”အခင်းဖြစ်ပွားချိန်မှာ အဲဒီနေရာကို ရောက်ရှိနေတဲ့ သတင်းထောက်တစ်ဦးက ပြောပါတယ်။
RFA က နောက်ဆုံးရရှိတဲ့ သတင်းအရ ရဲတပ်ဖွဲ့က ပစ်ခတ်တဲ့ လက်နက်ထိမှန်လို့မုံရွာပြည်သူ့ဆေးရုံကြီးကိုတက်ရောက်ဆေးကုသမှုခံယူနေတဲ့ ကိုတင့်ဇော်ကို အရေးပေါ်ခွဲစိတ်နိုင်ခဲ့ပြီး အသက်အန္တရာယ်မရှိဘူးလို့ သိရပါတယ်။
ထွန်တုံးတိုက်ပွဲ ဆင်နွှဲမှုကြောင့် ဖမ်းဆီးခြင်းခံရတဲ့ ကိုအောင်စိုးနဲ့နှစ်ဦးကို ဘယ်မှာထိန်းသိမ်းထားတယ်ဆိုတာကိုတော့ RFA ကဆက်လက်စုံစမ်းနေဆဲ ဖြစ်ပါတယ်။

RFA

No comments:

Post a Comment