ယခင်အပတ် သျှမ်းပြည်နယ်နေ့က သားသည်မိခင်အား ဓါးပြတိုက် မုဒိန်းကျင့်သည့် သျှမ်းပြည်အလယ်ပိုင်း ကျေးသီးမြို့ အခြေစိုက် ခလရ ၁၃၁ သည် ပြီးခဲ့သည့် ၂၀၁၁ က တကြိမ် ၂၀၀၇ ကတကြိမ် သျှမ်းပြည်အလယ်ပိုင်း ဒေသခံအမျိုးသမီး များအား မုဒိန်းကျင့်ခဲ့ဖူးသော်လည်း အထက်မှ ပြစ်ဒဏ်ပေး ဆောင်ရွက်ပေးခြင်းမရှိကြောင်း ဒေသခံများကပြောပါသည်။
“ သျှမ်းပြည်နယ်နေ့တုန်းက နန်း --- ကို မုဒိန်းကျင့်တဲ့
တပ်သားမောင်ဦး ဘဲ။ ၂၀၀၇ တုန်းကလဲ မိုင်းရှူးမှာ တခါ မုဒိန်း ကျင့်တယ် ။ နောက်
၂၆/၁၁/၂၀၁၁ တုန်းက မိုင်းနောင်မြို့နယ်ခွဲမှာလေ ဆွံ့အ အမျိုးသမီးကို အုပ်စုလိုက် မုဒိန်းကျင့်
တာလေ။ အမှတ် ၃ စစ်ဗျူဟာလက်အောက်ခံ ခလရ ၁၃၁ ဘဲ။ အဲဒီ အမှုစစ်တုန်းက သူတို့မလုပ်ရသလိုလိုနဲ့
ဒီတိုင်းဘဲ ပြီးသွားတယ်။ အခုလဲ ဒီအတိုင်း ပြီးသွားမှာကို စိုးရိမ်တယ်” ဟု ကျေးသီးဒေသခံ
ပါ့အေးနန်း က ပြောသည်။
ဖေဖော်ဝါရီ ၇ ရက် ညသန်းခေါင်အချိန်က ကျေးသီးမြို့ မိုင်းနင်အုပ်ဟု
နောင်ယုံးရွာသူ တဦးအား ခလရ ၁၃၁ မှတပ်သား မောင်ဦး အဓမ္မမှုမပြုမှီ အနီးရှိ အိမ်နှစ်လုံးကို
ခိုးဝင်ခဲ့သေးကြောင်း၊ ကျေးရွာအတွင်း ရေအားလျှပ်စစ်မီးကြိုးအားလည်း ခုတ်ဖြတ်ခဲ့သေးကြောင်း
ပြောပါသည်။
မုဒိန်းကျင့်ခံရပြီး ၆ ရက်မြောက်သည့် ယနေ့တွင်မူ ရဲစခန်းမှတာဝန်ရှိသူများနှင့်
ကျားဖြူပါတီအမတ်၊ ပါတီဝင်အချို့တို့ က ရန်ကုန်ပို့စစ်ဆေးမည့် မုဒိန်းကျင့် သက်သေများ
မပေါက်ပျက် မဖောက်ဖျက်လွယ်အောင် ထုတ်ပိုးပြင်ဆင်နေကြကြောင်း ကျားဖြူပါတီဝင်နှင့်နီးစပ်သည့်အသိုင်းအဝိုင်းကပြောပါသည်။
“ မုဒိန်းကျင့်ခံရတာက ကျနော့် အိမ်နဲ့ နှစ်အိမ်ကျော်က အိမ်ဘဲ။
ဒီအမှုကို နေပြည်တော်ရောက် ကျနော်တို့ ပြည်သူ့လွှတ် တော်အမတ်ကိုလဲ ပြောထားတယ်။ အခုကတော့
ဒေသခံပြည်နယ်လွှတ်တော်အမတ်တဦးအနေနဲ့ ဒေသခံတွေအနေနဲ့ဘဲ အမှုဖွင့်တိုင်တမ်းထားတယ်။ ဒါပေမယ့်
စစ်သားဆိုရင် စစ်ခုံရုံးဖွဲ့ပြီးစစ်ဆေးရမယ်၊ မြို့နယ်တရားတို့၊ လူထုဝင်ရတဲ့ တရား ရုံးတို့
ဘာတို့ သူတို့မဝင်ရဘူးလေ” - ဟု ကျားဖြူပြည်နယ်လွှတ်တော်အမတ် စိုင်းဆန်လှိုင်း က ပြောပါသည်။
၂၀၀၈ ဖွဲ့စည်းပုံအခြေခံဥပဒေပါ တပ်မတော် အခန်းကဏ္ဍ ၊ အခန်း ၈
ပုဒ်မ ၃၄၃ စစ်ဘက်တရားစီရင်ရာတွင် - တပ်မတော် သားများအတွက် အဖွဲ့ဖြင့်ဖြစ်စေ၊ တဦးတည်းဖြစ်စေ
ဥပဒေနှင့် အညီစီရင်နိုင်သည်၊ တပ်မတော်ကာကွယ်ရေး ဦးစီးချုပ်၏ အဆုံးအဖြတ်သည် အပြီးအပြတ်ဖြစ်သည်
ဟုပါရှိပါသည်။
သျှမ်းပြည်တပ်မတော် SSPP/SSA အားထိုးစစ်ဆင်တိုက်ခိုက်နေသောကာလက
ရလခ တိုင်းမှူး ဗိုလ်ချုပ် မြထွန်းဦး က လက်အောက်ခံတပ်ရင်း များနှင့် တပ်သားကေဒါများအား
- သျှမ်းပြည်တပ်မတော်ထိန်းချုပ်နယ်မြေအတွင်း ယောကျာ်းတွေ့လျှင်ပစ်သတ် မိန်းမ တွေ့လျှင်မုဒိန်းကျင့်
- ဟု ခွင့်ပြုမိန့်ပေးထားခဲ့ဖူးသည်ဟု ဒေသခံများက ဆိုသည်။
သျှမ်းသံတော်ဆင့်
No comments:
Post a Comment