KIA ကိစ္စနဲ့ စပ်လျဉ်းပြီး သမ္မတနှင့် တပ်ချုပ် သဘောထားကွဲလွဲမှု ဖြစ်ပေါ်ခဲ့ရ ...

 
ထိပ်ဆုံးတန်း ဝဲမှယာ ဒေါက်တာ စိုင်းမောက်ခမ်း၊ ဦးသိန်းစိန်နဲ့ ဒုဗိုလ်ချုပ်မှူးကြီး မင်းအောင်လှိုင် (ဓာတ်ပုံ - သမ္မတရုံးဝက်ဘ်ဆိုဒ်)

 ၁။ စစ်ဖက်နီးစပ်သူများက KIA အား တပ်မတော်မှ ဆက်လက်ချီတက်ထိုးစစ်ဆင် တိုက်ခိုက်ခြင်းမပြုရန်၊ သမ္မတရုံးရဲ့ ၂၀၁၁ ခုနှစ် ဒီဇင်ဘာလ ၁၀ ရက် နေ့စွဲပါ စာအမှတ် (၁(၁)/၇/သမ္မတရုံး) ဖြင့် အကြောင်းကြားခဲ့ရာမှာ သမ္မတနှင့် တပ်မတော်ကာကွယ်ရေး ဦးစီးချုပ်တို့အကြား သဘောထား ကွဲလွဲမှုဖြစ်ပေါ်ခဲ့ရတယ်လို့ သတင်းပေးပို့လာပါတယ်။ အဲ့ဒီစာ ထုတ်ပြန်ခဲ့ပြီးတဲ့နောက် တပ်ချုပ် ဒုတိယ ဗိုလ်ချုပ်မှူးကြီး မင်းအောင်လှိုင်နှင့် ဒုတပ်ချုပ် ဗိုလ်ချုပ်ကြီး စိုးဝင်း တို့ဟာ ဖိုင်ကိုယ်စီ ကိုင်ပြီး ခြေသံပြင်းပြင်းနဲ့ သမ္မတ ရုံးခန်းအတွင်းသို့ ဝင်ရောက်သွားခဲ့တယ်လို့ သိရှိရပါတယ်။ သမ္မတရုံးရဲ့ မူရင်းစာမှာ အောက်ပါအတိုင်း ဖြစ်ပါတယ်။

 

၂။ အထက်ပါစာအရ သမ္မတ ကိုယ်စား ညွှန်ကြားရေးမှူးချုပ် ဦးမင်းဇော်က လက်မှတ်ရေးထိုးထားတာ တွေ့ရှိရပြီး မိတ္တူကို မည့်သူကိုမှ ပေးထားခြင်း မရှိကြောင်းတွေ့မြင်ရပါတယ်။ ရုံးလုပ်ငန်း၊ လုပ်ထုံးလုပ်နည်း S.D အရ၊ ဌာနဆိုင်ရာ ဝန်ကြီးဌာန အကြီးအကဲရုံးများကို စာပို့ပြီ ဆိုရင် သမ္မတရုံးကိုယ်စား သမ္မတရုံးဝန်ကြီး တစ်ပါးပါးက လက်မှတ်ရေးထိုးသင့်ပြီး တပ်မတော်ရဲ့ ထိပ်ပိုင်း အကြီးဆုံး အဆင့်ဖြစ်တဲ့ တပ်မတော် ကာကွယ်ဦးစီးချုပ် ဒုတိယ ဗိုလ်ချုပ်မှူးကြီး မင်းအောင်လှိုင် ရုံး ကက(ဦး)ကို ပေးသင့်ပါတယ် လို့ စစ်ဖက်နီးစပ်သူများက ဆိုပါတယ်။ ဒါ့အပြင် တပ်ချုပ်လက်အောက်ခံ ကက(ကြည်း) ကိုင်ထားတဲ့ ဗိုလ်ချုပ်ကြီး စိုးဝင်းကို ကက(ဦး) ဒုဗိုလ်ချုပ်မှူးကြီး မင်းအောင်လှိုင်ရုံး အဆင့်အား ကျော်ပြီး သမ္မတရုံးက စာပေးတာဟာ တမျိုးတဖုံ အဓိပ္ပါယ် ဆောင်နေတယ်လို့ ဆိုပါတယ်။
၃။ သမ္မတဦးသိန်းစိန် အနေနဲ့ တပ်မတော်မှာ တြိဂံတိုင်းစစ်ဌာနချုပ် တိုင်းမှူးအဖြစ်တာဝန် ထမ်းဆောင်ခဲ့တုန်းက ခေါင်းဆောင်ကောင်းတစ်ယောက် အနေနဲ့ တာဝန်ယူမှု၊ ပြတ်သားတဲ့ ဆုံးဖြတ်ချက်နဲ့ အမိန့် ညွှန်ကြားချက်များ မပေးခဲ့တာကြောင့် မလိုလားအပ်ပဲ ထိုင်း နှင့် မြန်မာ နယ်ခြားစစ်ပွဲဖြစ်ပွားရပြီး ထိုစဉ်က ဒုတပ်မတော် ကာကွယ်ရေးဦးစီးချုပ်နှင့် ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီး မောင်အေး ကပင် ဦးသိန်းစိန်အား ဘဝင်မကျဖြစ်ခဲ့ရတယ်လို့ စစ်ဖက်နီးစပ်သူများ ထံမှ သိရပါတယ်။

၎။ ယခု KIA အား စစ်ဆင်ရေး မပြုလုပ်ဖို့ ညွှန်ကြားချက်ပေးတာဟာ အရေးကြီးတဲ့ နိုင်ငံရေးမဟာဗျူဟာ အခန်းကဏ္ဍတစ်ရပ်ဖြစ်နေပြီး မြန်မာနိုင်ငံတဝှမ်းလုံး သာမက နိုင်ငံတကာ ကပါ စောင့်ကြည့်နေတာမို့ ထိထိရောက်ရောက် တပ်မတော်အား စာထုတ် အမိန့်ပေးသင့်တယ်လို့ ဆိုပါတယ်။ ဒါပေမယ့် စစ်ဖက်နီးစပ်သူ တချို့ကတော့ ဦးသိန်းစိန်ရဲ့ အတွင်းကြိတ်လုပ်ဆောင်မှု တစ်ရပ်ရှိနိုင်တာက အစည်းအဝေးမှာ ဖြစ်စေ၊ ဖုန်းနဲ့ ဖြစ်စေ၊ တပ်ချုပ် ဒုဗိုလ်ချုပ်မှူးကြီး မင်းအောင်လှိုင်အား KIA ကို ထိုးစစ်ဆင်နေတာ ရပ်ဖို့ နှုတ်ဖြင့် နှုတ်မိန့်ပေးထားလို့ဖြစ်စေ၊ အလွတ်သဘော ဖြစ်စေ၊ ပြောခဲ့ပြီးမှ တရားဝင် ယခုလိုစာနှင့် နောက်က လိုက်သွားတဲ့ သဘောလည်း ရှိနိုင်တယ် လို့ စစ်ဖက်နီးစပ်သူများက ဆိုပါတယ်။
၅။ မည်သို့ပင်ဖြစ်စေ၊ တရားဝင်စာကို စကားလုံး အသုံးအနှုန်းပြင်းပြင်း တိတိကျကျစာ ထုတ်ပါက ဦးသိန်းစိန် အနေနဲ့ တပ်မတော်နှင့် ထိပ်တိုက်တွေ့ရမှာမို့ ရှောင်ရှားဟန်တူပြီး အလုပ်သဘော ဖြစ်ရုံတမည် ထုတ်တယ်လို့ ယူဆကြပါတယ်။ ဦးသိန်းစိန်အနေနဲ့ ၂၀၀၈ အခြေခံဥပဒေအရ တပ်မတော်အပေါ် ဘယ်လောက် သြဇာသက်ရောက်ခွင့်ရှိတယ် ဆိုတာကို မရှင်းမလင်း မသေမချာ ဖြစ်နေလို့ တွန့်ဆုတ်တာလဲ ပါနိုင်တယ်။ ဒါပေမယ့် နောင်တွင် ပြဿနာတစ်စုံတစ်ရာ ဖြစ်ပွားပါက သမ္မတအား အမှုမပတ် နိုင်စေရေး အတွက် ကြိုတင်ကာကွယ်ယူတဲ့ သဘောဖြစ်နေတယ်လို့ စစ်ဖက်နီးစပ်သူများက သုံးသပ်ပါတယ်။
၆။ စာပါအကြောင်းအရာများအရ ရှေ့တန်းစစ်ဆင်ရေးတပ်များ ရိက္ခာပို့မည့် ကိစ္စများတွင် စစ်ကြောင်းများ လှုပ်ရှားရပါက ရန်သူက တိုက်ခိုက်ခဲ့ရင်ကော ဘယ်လိုတုန့်ပြန်ရမလဲ ဆိုတာကို ပြည့်ပြည့်စုံစုံ ဖော်ပြထားခြင်း မရှိတာကို တွေ့ရပါတယ်။ စစ်နည်းဗျူဟာသဘောအရ ဗိုလ်ချုပ်ကြီးတစ်ဦးမှ အသွင်ပြောင်းလာခဲ့တဲ့ ဦးသိန်းစိန်ဟာ သိလျှက်နဲ့ မည်သို့ဆောင်ရွက်ရမည် ကို ရှင်းရှင်းလင်းလင်း ညွှန်ကြားထားတာ မတွေ့ရတာကို တပ်ချုပ်က “ထောက်ကွက်” ပြုနိုင်ပါတယ်။ ရိက္ခာပို့သည် ဖြစ်စေ၊ မပို့သည် ဖြစ်စေ၊ မိမိ တပ်စခန်းများ အနီးသို့ ချည်းကပ်လာတဲ့ ရန်သူစစ်ကြောင်းများ၊ အားစမ်းလာတဲ့ ရန်သူစစ်ကြောင်းများကို စစ်နည်းဗျူဟာသဘောအရ ကြိုတင်လက်ဦးမှုရယူ တိုက်စစ်ဆင်ရတဲ့ အနေအထားမျိုးရှိပါတယ်။
၇။ တပ်ချုပ် အဓိက စိတ်ဆိုးသွား နိုင်တဲ့ အချက်တချက်မှာ ချီတက်ထိုးစစ်ဆင်ခြင်း မပြုလုပ်ရေး ဆိုတဲ့ စာထဲတွင် အချိန်ကန့်သတ်ချက် မပေးထားတာကြောင့် ရှေ့တန်းမှ ရဲဘော်များကို ငတ်ငတ်ပြတ်ပြတ် ပစ်ထားရပြီး ရန်သူရဲ့ လည်လှီးတာကို အသားလွတ် ခံရမဲ့ သဘောဖြစ်နေခဲ့ပါတယ်။ ဒါ့အပြင် ယခင်က KIA နှင့် ငြိမ်းချမ်းရေး ဆွေးနွေးပွဲများမှာ တပ်မတော်မှ တာဝန်ရှိသူ အနည်းဆုံး တိုင်းမှူးအဆင့် တာဝန်ရှိသူကို ဦးအောင်သောင်း၊ ဦးအောင်မင်း စတဲ့ ငြိမ်းချမ်းရေးခေါင်းဆောင်များက ခေါ်ယူခြင်း မပြုတာဟာ ရှေ့တပ်နယ်မြေတွေမှာ KIA နဲ့ တပ် နယ်မြေပိုင်းခြား သတ်မှတ်မှု၊ အပစ်အခတ်ရပ်စဲရေး တွင် ပြဿနာရှိနိုင်ပါတယ်။ နောက်ပိုင်းမှ KIA က တောင်းဆိုလာလို့သာ တပ်မတော်မှ ပုဂ္ဂိုလ်များ ပါဝင်လာရတဲ့ အတွက် တပ်ချုပ် မင်းအောင်လှိုင် အနေနဲ့ ဦးအောင်မင်းအပေါ် ဘဝင်မကျစရာ၊ အမြင်မကြည်လင်စရာ ဖြစ်ခဲ့ရတယ်လို့ သိရပါတယ်။ သမ္မတရုံးရဲ့ စာဟာ တိုတောင်းလွန်းလှပြီး လက်လွတ်စပယ် ထုတ်ပြန်ခဲ့တာကြောင့် တပ်ချုပ် ဒုဗိုလ်ချုပ်မှူးကြီး မင်းအောင်လှိုင်အနေနဲ့ ဒေါကန်စရာဖြစ်သွားနိုင်တယ်လို့ စစ်ဖက်နီးစပ်သူများက သုံးသပ်ထားကြောင်း တင်ပြလိုက်ရပါတယ်။

 စည်းလုံးခြင်းရဲ့ အင်အား