SNLD ၏ပါတီတည်ထောင်ခြင်း၂၄နှစ်ပြည့် မိတ်ဆုံစားပွဲ
ရန်ကုန် အောက်တိုဘာ ( ၂၆ )ရက်
ရှမ်းတိုင်းရင်းသားများ ဒီမိုကရေစီအဖွဲ့ချုပ်၏
ပါတီတည်ထောင်ခြင်း ၂၄နှစ်ပြည့် မိတ်ဆုံ စားပွဲကို အောက်တိုဘာ ၂၆ရက်နေ့တွင်
ရန်ကုန်မြို့ ကိုးမိုင် ရှမ်းကျောင်းတွင် ပြုလုပ်ခဲ့သည်။ ယင်းပါတီ၏ ၂၄နှစ်ပြည့် အထိမ်းအမှတ်နေ့တွင်
အချက် ၈ချက်ပါ ကြေညာချက် တစ်စောင် ထုတ်ပြန်ရာ နိုင်ငံတော်၏ ဒီမိုကရေစီစနစ်သို့
ပြုပြင်ပြောင်းလဲရေး လုပ်ငန်းများကို ထောက် ခံအားပေးသွားမည် ဖြစ်ပြီး လူတစ်စု
လူတစ်သိုက်၏ လက်ဝါးကြီးအုပ် ဆောင်ရွက်နေမှုများကို ဆန့်ကျင် တိုက်ဖျက်သွားမည် ဖြစ်ကြောင်း
၊ စစ်မှန်သော ပြည်ထောင်စု ဖက်ဒရယ်စနစ်သို့ ပြောင်းလဲရာတွင် နှစ်ပေါင်းရာချီ တည်ရှိနေခဲ့သော
အမျိုးသားလက္ခဏာဖြစ်သည့် အမည် နာမ အခေါ်အဝေါ်များအား ဖျက်သိမ်းပြီး ဒေသအပေါ် အခြေခံသော
အမည်သစ်များဖြင့် ဖွဲ့စည်းမည့် ပြည်ထောင်စု ပုံသဏ္ဍန်ကို ရှမ်းတိုင်းရင်းသားများ ဒီမိုကရေစီအဖွဲ့ချုပ်အနေဖြင့်
လက်မခံ၊တိကျပြတ်သားစွာဆန့်ကျင် ကြောင်း စသည်ဖြင့် ဖော်ပြပါရှိသည်။ အဆိုပါ အခမ်း
အနားကို နိုင်ငံရေးပါတီများ၊လူမှုအသင်းအဖွဲ့များ ဖိတ်ကြားထားသည့်
ဧည့်သည်တော်များ တက်ရောက်ခဲ့ကြသည်။
No comments:
Post a Comment