ဂျပန်နိုင်ငံသားတစ်ဦးရန်ကုန်တွင်ပျောက်ဆုံးနေ ...

ရန်ကုန်မြို့ ဗဟန်းမြို့နယ် ရွှေဂုံတိုင် Golden Hill Tower အခန်းအမှတ် ၆၃၀ တွင်း တည်းခိုနေထိုင်သူ Passport အမှတ် TZ-0237382 ကိုင်ဆောင်ထားသူ အသက် ၃၀ ခန့်အရွှယ် ဂျပန်နိုင်ငံသား Mr Hasegawa Wataru ဆိုသူပျေက်ဆုံးသည့်အမှုကို ဗဟန်းမြို့နယ်ရဲစခန်းတွင် ၁၄-၁-၂၀၁၃ ရက် ည ၈နာရီ၁၅ခန့်တွင် လာရောက်အမှုဖွင့်တိုင်ကြားခဲ့သည်။
Mr Hasegawa Wataru သည်ထိုနေ့မနက် ၅နာရီကျော်ခန့်ကပင် နေထိုင်ရာအခန်းမှထွက်သွားခဲ့ပြီး ပြန်မလာသည့်အတွက် ၎င်းအလုပ်လုပ်နေသော ကုမ္ပဏီမှ ညှိနှိုင်းရေးမှုးတစ်ဦးက လာရောက်အမှုဖွင့်ခဲခြင်းဖြစ်သည်။ ၎င်းမှာ JFE Engineering Company တွင်အလုပ်လုပ်နေပြီး သူ၏တာဝန်မှာ လက်ထောက်တာဝန်ခံပြီး Golden Hill Towerတွင်လွန်ခဲ့သော ၂ နှစ်ခန့်ကပင် နေထိုင်နေသူဖြစ်၍ Passport ပါအချက်အလက်များအရ မွေးသက္ကရာဇ်မှာ ၁၅-၁၂-၁၉၈၃ဖြစ်သည်ဟု သိရသည်။ "ကျွန်တော်တို့ထင်တာကတော့ ခရီးသွာနေတယ်ပေါ့နော်။ ဒါမေ့ယ့် သူ့ဖုန်းကိုဆက်သွယ်လို့မရတာနဲ့စိတ်ပူလို့တိုင်ကြားထားတာပါ။ အခြေအနေထူးရင် သတင်းပေးပါ့မယ်" ညှိနှိုင်းရေးမှုးဦးအောင်စိုးမင်းက News Watch ဂျာနယ်သို့ပြောခဲ့သည်။
Mr Hasegawa Wataruပျောက်ဆုံးသည့်နေ့မှာ ၁-၇-၂၀၁၃နေ့အထိ ၄ရက်ရှိနေပြီး အဆင်အသွယ် ရရှိခြင်းလုံးဝမရှိသေးကြောင်း ဗဟန်းရဲစခန်းမှသိရသည်။ "သပ်သပ်ရပ်ရပ် ဝတ်စားထားတာဆိုတော့ သူ့နိုင်ငံပြန်ဖို့လား၊ မိန်းမကိစ္စလား ဘယ်ိုံမှ စုံစမ်လို့မရဖြစ်နေတယ်။ ဒါ့ကြောင့် သူ့အခန်းဖုန်းနဲ့ဆက်သွယ်ထားခဲ့တဲ့ ဖုန်းနံပါတ်စာရင်း(Call List)ကိုစစ်ဆေးနေတယ်" ဗဟန်းမြို့နယ် တာဝန်ကျရဲဝန်ထမ်းတစ်ဦးမှ News Watch ကိုပြောသည်။ မြန်မာနိုင်ငံရဲတပ်ဖွဲ့သတင်းထုတ်ပြန်ချက်အရ ပျောက်ဆုံးနေသူနှင့်အတူ လက်ကိုင်ဖုန်း ၀၉-၄၅၀၀၆၀၃၉၀ နှင့် ခရီးဆောင်အိတ်တစ်လုံးပါသွားသည်ဟု သိရပါသည်။